प्रधानमन्त्री ओली र बंगलादेशका राजदूतबीच बिदाइ भेट

अनलाइन नेपाल

शुक्रवार , पौष ५, २०८१

प्रधानमन्त्री ओली र बंगलादेशका राजदूतबीच बिदाइ भेट

काठमाडौं । प्रधानमन्त्री केपी शर्मा ओली र नेपालका लागि बंगलादेशका राजदूत सलाहुद्दिन नोमन चौधरीबीच बिदाइ भेट भएको छ।

प्रधानमन्त्री तथा मन्त्रिपरिषद्को कार्यालय, सिंहदरबारमा उनीहरुबीच भेटवार्ता गरेको हो ।

प्रधानमन्त्री ओलीले नेपाल र बंगलादेशको आपसी सम्बन्धमा योगदान दिएकामा राजदूत चौधरीलाई धन्यवाद दिए ।

प्रधानमन्त्री ओलीले बंगलादेश अन्तरिम राजनीतिक अवस्थाबाट छिटो स्थायित्वमा जाने विश्वास गरे ।

सो अवसरमा राजदूत चौधरीले नेपालको शान्ति प्रक्रिया र राजनीतिक परिवर्तनबाट बंगलादेशले शिक्षा लिँदै आएको अवगत गराए । भेटमा दुईपक्षीय हितका विविध विषय तथा सहयोग आदानप्रदानबारे छलफल भएको थियो ।

सो अवसरमा परराष्ट्र मन्त्रालयका अधिकारीलगायत सहभागी थिए । राजदूत चौधरी नेपालको कार्यकाल पूरा गरी स्वदेश फर्कने तयारीमा छन् ।

प्रतिक्रिया दिनुहोस्

नयाँ अपडेट

थप नयाँ अपडेट

प्रधानमन्त्री ओली र बंगलादेशका राजदूतबीच बिदाइ भेट