Jun 30 2026 | २०८३, आषाढ १६ गते
30 Jun 2026 | मंगलवार, आषाढ १६ गते २०८३
मंगलवार, आषाढ १६ गते २०८३
Jun 30 2026 | २०८३, आषाढ १६ गते
30 Jun 2026 | मंगलवार, आषाढ १६ गते २०८३
मंगलवार , आषाढ १६, २०८३
काठमाडौं । राष्ट्रिय स्वतन्त्र पार्टी (रास्वपा) का नेता सोम शर्माले केन्द्रीय निर्वाचन आयोगमा उजुरी दिएका छन् ।
प्रथम राष्ट्रिय महाधिवेशनबाट निर्वाचित केन्द्रीय सदस्यहरूको सूचीबाट आफ्नो नाम हटेपछि शर्माले मंगलबार आयोगमा उजुरी दिएका हुन् ।
उनले गण्डकी भूगोलबाट निर्वाचित केन्द्रीय सदस्यको नामावलीबाट आफ्नो नाम हटाउनुको कारण जवाफ दिएर सूची फेरि सच्याउन माग गरेका छन् ।
चौथो उच्च मत प्राप्त उम्मेदवारलाई हटाएर पाँचौं स्थानभन्दा माथिको मत परिणामलाई नै उल्ट्याउने गरी गरिएको परिमार्जित निर्णयले विधानको मर्म, विधायकी मनसाय तथा विधानको दफा २२ (४) को व्यवस्था र निर्वाचनको आधारभूत सिद्धान्तसँग मेल नखाने शर्माले उजुरीमा उल्लेख गरेका छन् ।
'यदि मेरो मागलाई बेवास्ता गरिएमा आफ्नो संवैधानिक, राजनीतिक तथा कानुनी अधिकारको संरक्षणका लागि उपलब्ध सम्पूर्ण कानुनी उपचार र न्यायिक प्रक्रियाको अवलम्बन गर्न म बाध्य हुनेछु,' शर्माले निवेदनमा लेखेका छन्।
यसअघि महाधिवेशनमा उम्मेदवारहरूबाट नै बढी मत ल्याए पनि कलस्टर मिलाउने क्रममा निर्वाचित नभएको गुनासो आएपछि आयोगले सूची सच्याएर केन्द्रीय सदस्यहरूको नाम हेरफेर गरेको थियो ।
सूची सच्याउने क्रममा आयोगबाट शर्माको नाम केन्द्रीय सदस्यबाट हटाइएको छ । उनको स्थानमा पूजा बास्तोलालाई केन्द्रीय सदस्य बनाइएको छ ।
सूची सच्याउने क्रममा शर्मासँगै कृष्णमान श्रेष्ठलाई पनि हटाइएको छ । उनको स्थानमा ध्रुवकुमार थापामगर केन्द्रीय सदस्य बनाइएको छ ।
निर्वाचित भएपछि निकै हर्षित भएका कृष्णमान पनि अचानक केन्द्रीय सदस्यबाट हटाइएको खबर मिडियामा देखेपछि स्तब्ध बनेका छन् ।
चार वर्षदेखि निरन्तर रास्वपामा योगदान दिँदै आए पनि आफूलाई पटक(पटक अन्यायमा पारिएको उनको गुनासो छ।
श्रेष्ठ पनि न्याय माग्न निवेदन लिएर सभापति रवि लामिछानेको घरमै पुगेका थिए । सभापति नभेटिएपछि घरमा निवेदन छोडेर हिँडेको स्रोतले बतायो ।
© 2026 All right reserved to onlinenepal.com
Design & Developed By
