Jul 26 2026 | २०८३, श्रावण १० गते
26 Jul 2026 | आइतवार, श्रावण १० गते २०८३
आइतवार, श्रावण १० गते २०८३
Jul 26 2026 | २०८३, श्रावण १० गते
26 Jul 2026 | आइतवार, श्रावण १० गते २०८३
बुधवार , पौष १७, २०८१
धनगढी । धनगढीमा 'स्नुकर एण्ड पुल पार्क' सञ्चालनमा आएको छ । धनगढी उपहानगरपालिका-१ शिवनगरमा आडीएसएस स्नुकर एण्ड पुल पार्क सञ्चालनमा आएको हो ।
सो पार्कको बुधबार वडा नम्बर १ का अध्यक्ष सन्तोष मुडभरीले रिवन काटेर उद्घाटन गरेका हुन् । पार्कको उद्घाटन गर्दै वडा अध्यक्ष मुडभरीले यस पार्कबाट उपमहानगरपालिकाभित्र आर्थिक गतिबिधि बढ्ने अपेक्षा लिए ।
यसका साथै पुललाई खेल पर्यटनका रुपमा समेत बिकास गर्न सकिने उनको भनाइ छ । लागु औषध जस्ता कुलतमा फसिरहेका युवाहरुलाई समेत पुल खेलतर्फ आकर्षण गर्न सके कुलतबाट जोगाउन सकिने उनको जोड छ ।
पार्कका सञ्चालक ललित चन्दले स्नुकर खेलाडी उत्पादन गर्ने उद्धेश्यले आफूहरुले हाल पुल सञ्चालनमा ल्याएको बताए ।
स्नुकर राष्ट्रिय खेल भएको बताउँदै उनले यस प्रदेशबाट पनि खेलाडी उत्पादन गर्ने लक्ष्य रहेको बताए । उनले अहिले साधारण स्नुकर पुल मात्रै सञ्चालनमा ल्याएको बताउँदै केही समयमा स्नुकर पनि सञ्चालनमा ल्याउने जानकारी दिए ।
साथै उनले युवाहरुलाई खेलकुदतिर आकर्षण गर्ने र बालबालिका तथा अभिभावकलाई रमाइलोका लागि पनि यो खेलले सहयोग पुग्ने बताए ।
सञ्चालक चन्दका अनुसार अहिले एउटा खेलको ५० रुपैयाँ निर्धारण गरिएको छ । साथै उनले स्केटिङ पनि सञ्चालमा आएको बताए । स्केटिङको मूल्य प्रति घण्टा दुई सय तोकिएको जानकारी दिए ।
© 2026 All right reserved to onlinenepal.com
Design & Developed By
