Jun 30 2026 | २०८३, आषाढ १६ गते
30 Jun 2026 | मंगलवार, आषाढ १६ गते २०८३
मंगलवार, आषाढ १६ गते २०८३
Jun 30 2026 | २०८३, आषाढ १६ गते
30 Jun 2026 | मंगलवार, आषाढ १६ गते २०८३
बुधवार , पौष २४, २०८१
काठमाडौं । नेकपा एमालेबाट निष्कासित नेता डा. भीम रावलले आफूलाई 'राजावादी' भनेर प्रचार गरिएकोप्रति आपत्ति जनाएका छन् ।
उनले सामाजिक सञ्जालमार्फत आफ्नो धारणा सार्वजनिक गर्दै बामालेहरूले आज देशभक्त युवाहरूको समर्थनलाई राजावादी भन्नु हास्यास्पद भएको टिप्पणी गरेका हुन् ।
उनले विराटनगर र सुनसरीको भ्रमणका क्रममा देशभक्त युवा युवतीहरूले दिएको समर्थनलाई लिएर गरिएको आलोचनालाई उनले हास्यास्पद भनेका छन् ।
रावलले भने, 'हामी आन्दोलनमा रहेको बेला 'पञ्चायतको आमा' भनेर चिनिने डा. तुलसी गिरीसँग गोप्य साँठगाँठ गर्ने, चुनाव जित्न राजेन्द्र लिङ्देनसँग सहकार्य गरी एमालेहरूलाई हलोमा मतदान गर्न लगाउने, भ्रष्ट र विचौलियाहरूलाई कम्युनिस्ट पार्टीले प्रतिक्रियावादी भनेका पात्रहरूसँग सत्ता साझेदारी गर्ने केपी ओलीका बामालेहरूले मलाई 'राजावादी' भन्नु अत्यन्तै हास्यास्पद छ।
उनले भ्रष्टाचार, बेथिति र कुशासनको विरोध गर्ने तथा देशको स्वाधीनता र स्वाभिमानको पक्षमा उभिने सम्पूर्ण देशभक्तहरूलाई एकजुट हुन आग्रह गरे । 'देश र जनताको सर्वोपरी हित, स्वाधीनता र स्वाभिमान चाहने र भ्रष्टाचार, बेथिति र कुशासनका विरुद्ध उभिने सम्पूर्ण देशभक्तहरूलाई एकजुट हुन मैले आव्हान गरेको छु,' उनले भने ।
साथै उनले देशभक्त युवाहरूले आफूलाई साथ दिँदा कति पोलेको भन्दै प्रश्न गरे । डा. रावलले प्रश्न गर्दै भने, 'जस्तासुकै अपराध, भ्रष्टाचार र कुकर्म गर्नेहरूलाई पार्टी र सरकारका ठूलठूला पदमा राख्नेहरूलाई देशभक्त युवाहरूले मलाई साथ दिँदा कति पोलेको ?'
© 2026 All right reserved to onlinenepal.com
Design & Developed By
