डा.निकोलस भुसाल ५० हजार धरौटीमा रिहा

अनलाइन नेपाल

शुक्रवार , माघ ४, २०८१

पोखरा । डा.निकोलस भुसाल धरौटीमा रिहा भएका छन् ।

राष्ट्रिय स्वतन्त्र पार्टीका सभापति रवि लामिछानेको सुतिरहेको तस्वीर खिचेर सार्वजनिक गर्ने भुसाल ५० हजार रुपैयाँ धरौटीमा छुटेका हुन्।

विद्युतीय कारोबार ऐनविरुद्धको कसुर (साइबर अपराध) को कसुरमा बिहीबार पक्राउ गरी शुक्रबार उनीविरुद्ध कास्की जिल्ला अदालतमा मुद्दा दर्ता गर्दै बयान र थुनछेक बहस भएको थियो ।

न्यायाधीश शंकरबहादुर राईको इजलासले डा. भुसाललाई ५० हजार रुपैयाँ धरौटीमा छाड्न आदेश गरेको हो ।

भुसालविरुद्ध सरकारी वकिलको कार्यालयले १ लाख रुपैयाँ जरिवाना र ५ वर्ष कैद सजायको मागदाबीसहित अभियोजन पत्र दर्ता गरेको थियो ।

प्रतिक्रिया दिनुहोस्

नयाँ अपडेट

थप नयाँ अपडेट

डा.निकोलस भुसाल ५० हजार धरौटीमा रिहा