को हुन् वरिष्ठ अधिवक्ता त्रिपाठीमाथि आक्रमण गरेको आरोपमा पक्राउ परेका व्यक्ति ?

अनलाइन नेपाल

शुक्रवार , माघ ४, २०८१

को हुन् वरिष्ठ अधिवक्ता त्रिपाठीमाथि आक्रमण गरेको आरोपमा पक्राउ परेका व्यक्ति ?

काठमाडौं । वरिष्ठ अधिवक्ता दिनेश कुमार त्रिपाठीमाथि आक्रमण गरेको आरोपमा पक्राउ परेका युवकलाई प्रहरीले सार्वजनिक गरेको छ ।

दोलखाको तामाकोशी गाउँपालिका-१ घर भई ललितपुरको महालक्ष्मी नगरपालिका-५ टीकाथली बस्ने ४८ वर्षीय ललित कुमार केसीलाई सार्वजनिक गरिएको हो ।

पक्राउ परेका केसीमाथि ज्यान मार्ने उद्योगमा काठमाडौं जिल्ला अदालतबाट म्याद थप गरी प्रहरी वृत्त सिंहदरबारबाट थप अनुसन्धान भइरहेको जिल्ला प्रहरी परिसर काठमाडौंले जनाएको छ । घटनामा संलग्न अन्य व्यक्तिहरूको खोजी भइरहेको प्रहरीले जनाएको छ ।

माघ २ गते बुधबार दिउँसो पौने ४ बजे काठमाडौं जिल्ला अदालतको दक्षिण गेट बाहिर सार्वजनिक सडक खण्डमा सर्वसाधारणहरूको भिड रहेको अवस्थामा वरिष्ठ अधिवक्ता त्रिपाठीमाथि आक्रमण भएको थियो ।

प्रतिक्रिया दिनुहोस्

नयाँ अपडेट

थप नयाँ अपडेट

को हुन् वरिष्ठ अधिवक्ता त्रिपाठीमाथि आक्रमण गरेको आरोपमा पक्राउ परेका व्यक्ति ?