Jun 19 2026 | २०८३, आषाढ ५ गते
19 Jun 2026 | शुक्रवार, आषाढ ५ गते २०८३
शुक्रवार, आषाढ ५ गते २०८३
Jun 19 2026 | २०८३, आषाढ ५ गते
19 Jun 2026 | शुक्रवार, आषाढ ५ गते २०८३
बिहिवार , माघ २४, २०८१
काठमाडौं । ‘हनी ट्रयाप’मा पारेर दश लाख रकम मागेको आरोपमा एक युवती पक्राउ परेकी छन् ।
पक्राउ पर्नेमा चितवनको रत्ननगर नगरपालिका-८ स्थायी घर भई हाल काठमाडौं महानगरपालिका-१३ कुलेश्वर बस्ने २८ वर्षीया अस्मिता आचार्य रहेकी छन् ।
काठमाडौं उपत्यका अपराध अनुसन्धान कार्यालयबाट खटिएको टोलीले उनलाई मंगलबार कुलेश्वरबाट पक्राउ गरेको हो ।
प्रहरीका अनुसार उनले राइस कुकर बनाउने बहानामा पीडितलाई पटक पटक फोन गरेर बोलाएकी थिइन् । पछि उनले पीडितसँग जबर्जस्ती करणी मुद्दामा फसाइदिने धम्की दिँदै १० लाख रूपैयाँ फिरौती मागेकी थिइन्।
शुरूमा चेकमार्फत तीन लाख लिई बाँकी ७ लाख एक हप्ताभित्र बुझाउने सर्तमा रकम असुली गरेको प्रहरीको अनुसन्धानबाट खुलेको छ ।
अस्मिताको साथबाट उनका नाममा काटिएको नबिल बैंकको तीन लाख रूपैयाँको चेक एक थान र आईफोन एक थान समेत बरामद भएको प्रहरीले जनाएको छ ।
उनलाई आपराधिक लाभ (एक्सटर्सन) मुद्दामा थप अनुसन्धानका लागि जिल्ला प्रहरी परिसर, भद्रकाली, काठमाडौं पठाइएको छ ।
© 2026 All right reserved to onlinenepal.com
Design & Developed By
