Jun 18 2026 | २०८३, आषाढ ४ गते
18 Jun 2026 | बिहिवार, आषाढ ४ गते २०८३
बिहिवार, आषाढ ४ गते २०८३
Jun 18 2026 | २०८३, आषाढ ४ गते
18 Jun 2026 | बिहिवार, आषाढ ४ गते २०८३
बिहिवार , आषाढ ४, २०८३
एजेन्सी । युक्रेनले बिहीबार रुसको राजधानी मस्को र आसपासका क्षेत्रहरूमा ठूलो स्तरको ड्रोन आक्रमण गरेको छ । यो युद्ध सुरु भएयता युक्रेनले रुसमाथि गरेको सबैभन्दा भीषण हमलामध्ये एक मानिएको छ।
रुसका अधिकारीहरूका अनुसार मस्को वरपरका विभिन्न लक्ष्यमा करिब २०० ड्रोन प्रहार गरिएको थियो, जसका कारण धेरै स्थानमा आगलागी भएको छ र आकाशमा बाक्लो कालो धुवाँ फैलिएको देखिएको छ।
मस्कोका गभर्नर आन्द्रेई भोरोब्योभका अनुसार आक्रमणमा १७ जना घाइते भएका छन्। रुसको रक्षा मन्त्रालयले भने पछिल्लो २४ घण्टामा देशभर करिब १,००० ड्रोन र चार युक्रेनी क्रुज मिसाइल खसालिएको दाबी गरेको छ।
यसैबीच, दक्षिणी रोस्तोभ क्षेत्रमा रहेको एक तेल भण्डारण सुविधामा पनि आक्रमण भएको र घटनामा एक जनाको मृत्यु भएको रुसले जनाएको छ।
युक्रेनका राष्ट्रपति भोलोदिमिर जेलेन्स्कीले मस्को क्षेत्रलाई पुनः निशाना बनाइएको पुष्टि गर्दै युद्ध अन्त्यका लागि रुसले कूटनीतिक बाटो रोज्नुपर्ने बताएका छन्।
उनका अनुसार यो आक्रमण गत हप्ता किएभमा भएको रूसी आक्रमणको प्रतिकार हो, जसमा एक प्रमुख धार्मिक स्थलमा आगलागी भएको थियो।
जेलेन्स्कीले सामाजिक सञ्जालमा जारी सन्देशमा भनेका छन्, ‘हामी यो युद्ध चाहँदैनौँ, कहिल्यै चाहँदैनौँ, तर युक्रेन जल्यो भने तपाईंको मस्को पनि जल्नेछ।’
त्यसैगरी, मस्कोको दक्षिणपूर्वमा रहेको कपोट्नया रिफाइनरीमा पनि आगलागी भएको छ। यो एक महिनामा सो रिफाइनरीमा तेस्रो तथा यस हप्तामा दोस्रो आक्रमण भएको जनाइएको छ।
© 2026 All right reserved to onlinenepal.com
Design & Developed By
