Jun 19 2026 | २०८३, आषाढ ५ गते
19 Jun 2026 | शुक्रवार, आषाढ ५ गते २०८३
शुक्रवार, आषाढ ५ गते २०८३
Jun 19 2026 | २०८३, आषाढ ५ गते
19 Jun 2026 | शुक्रवार, आषाढ ५ गते २०८३
सोमवार , माघ २८, २०८१
अछाम । अछामको मंगलसेन नगरपालिका तीन हप्तादेखि प्रमुख प्रशासकीय अधिकृतविहीन बनेको छ ।
संघीय मामिला तथा सामान्य प्रशासन मन्त्रालयले नगरपालिकाका निमित्त प्रमुख प्रशासकीय अधिकृत खकेन्द्र बहादुर सोडारीलाई माघ ९ गतेदेखि लागू हुने गरी जिम्मेवारीबाट हटाएको थियो ।
त्यस यता नगरपालिका प्रमुख प्रशासकीय अधिकृतविहीन बनेको हो । जसकारण नगरापलिकामा हालसम्म प्रशासनिक र आर्थिक कामकाज ठप्प छन् । प्रमुख प्रशासकीय अधिकृत नहुँदा प्रत्यक्ष मारमा सेवाग्राहीहरू परेका छन् ।
उनीहरुले भुक्तानी, सम्झौता, सिफारिस लगायतका कामहरु गर्न पाएका छैनन् । आफूहरुले नगरपालिकाबाट सेवा नािउँदा जनताहरु आक्रोशित बन्न थालेका छन् । तर संघीय मामिला तथा सामान्य प्रशासन मन्त्रालयले प्रमुख प्रशासकीय अधिकृत पठाउने कुनै सुरसार गरेको छैन ।
निमित्त प्रमुख प्रशासकीय अधिकृत सोडारीको आर्थिक तथा प्रशासनिक जिम्मेवारी रद्ध गरेपछि नगरपालिकाका मेयर पदम बहादुर बोहराले माघ ११ गते नै प्रमुख प्रशासकीय अधिकृत खटाईदिन मन्त्रालयलाई पत्र लेका थिए । उनले ७२ घण्टाभित्र प्रमुख प्रशासकीय अधिकृत खटाईदिन अनुरोध गरेका थिए ।
तर मन्त्रालयले पत्र पठाएको तीन साता पुग्नै लाग्दा पनि टेरेको छैन । यता नगरमा कार्यरत अन्य ज्येष्ठ कर्मचारीले पनि जिम्मेवारी लिन अस्वीकार गरेको बताइएको छ । प्रशासनिक र आर्थिक कामकाज ठप्प भएपछि नगरपालिकाले दिने सेवा प्रभावित बनेका छन् ।
मंगलसेनसँगै चौरपाटी गाउँपालिकामा पनि सरकारले निमित्त प्रमुख प्रशासकीय अधिकृत धनबहादुर थापाको जिम्मेवारी खोसेको थियो । तर गाउँपालिकाले थापालाई नै पुनः जिम्मेवारी दिन अनुरोध गर्दै पत्र पठाएपछि केही दिन मै जिम्मेवारी तोकिदिएको थियो ।
© 2026 All right reserved to onlinenepal.com
Design & Developed By
