Jun 19 2026 | २०८३, आषाढ ५ गते
19 Jun 2026 | शुक्रवार, आषाढ ५ गते २०८३
शुक्रवार, आषाढ ५ गते २०८३
Jun 19 2026 | २०८३, आषाढ ५ गते
19 Jun 2026 | शुक्रवार, आषाढ ५ गते २०८३
सोमवार , फाल्गुण ५, २०८१
काठमाडौं । प्रधानमन्त्री केपी शर्मा ओलीले भारतमा नेपाली विद्यार्थीहरूलाई होस्टलबाट निकालिएको विषयमा कूटनीतिक पहल गरिरहेको बताएका छन्।
भारतमा नेपाली छात्राको मृत्यु र नेपालका विद्यार्थीलाई कलेजबाट निकालिएकोबारे प्रधानमन्त्री ओलीले सो कुरा बताएका हुन् ।
ओडिसास्थित कलिंगा इन्स्टिच्युट अफ इन्डस्ट्रियल टेक्नोलोजी विश्वविद्यालयको होस्टेलमा एक जना नेपाली छात्राको मृत्यु भएको र नेपाली विद्यार्थीलाई होस्टेलबाट जबर्जस्ती निकालेको कुरा मिडिया र सामाजिक सञ्जालमार्फत सार्वजनिक भएपछि प्रधानमन्त्री ओलीले त्यस विषयमा कूटनीतिक पहल गरिरहेको बताए।
प्रधानमन्त्री ओलीले भनेका छन्,'भारतको ओडिसास्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयको होस्टेलमा एकजना नेपाली छात्राको मृत्यु भएको र नेपाली विद्यार्थीलाई होस्टेलबाट जबर्जस्ती निकालेको कुरा मिडिया र सामाजिक सञ्जाल मार्फत जानकारीमा आएको छ। यस विषयमा सरकारले कूटनीतिक तवरले बुझ्दै सम्पर्कमा रहेर काम गरिरहेको छ।'
यसअघि केआईआईटीमा बिटेक अध्ययनरत प्रकृति लम्साल मृत भेटिएकी थिइन्। केआईआईटीका रजिष्ट्रारका अनुसार, प्रारम्भिक अनुसन्धानमा उनले आत्महत्या गरेको आशंका गरिएको छ।
उक्त संस्थानले विज्ञप्ति निकाली बिटेक तेस्रो वर्षमा अध्ययनरत नेपाली विद्यार्थी लम्साल मृत भेटिएको जानकारी गराएको छ। उनले आत्महत्या गरेको हुनसक्ने भारतीय सञ्चारमाध्यमहरूले जनाएका छन्। उनी प्रेम सम्बन्धमा रहेको हुनसक्ने प्रारम्भिक अनुसन्धानले देखाएको छ।
लम्साल मृत भेटिएपछि उनी अध्ययनरत कलेजमा विद्यार्थीहरूले प्रदर्शनसमेत गरेका छन्। कलेज प्रशासनले लम्साल बसेको कोठा सिल गरेको छ भने उनको शव शवगृहमा राखिएको छ।
यसैबीच कलेज प्रशासनले नेपाली विद्यार्थीहरूलाई विश्वविद्यालय खाली गर्न निर्देशन दिइएको छ। रजिस्ट्रारले विज्ञप्ति जारी गरेर नेपालबाट आउने सबै विद्यार्थीहरूका लागि विश्वविद्यालय बन्द गरिएको र उनीहरूलाई आजैदेखि विश्वविद्यालय क्याम्पस खाली गर्न निर्देशन दिइएको छ।
© 2026 All right reserved to onlinenepal.com
Design & Developed By
