काठमाडौं । नेकपा एमाले निकट अनेरास्ववियुका अध्यक्ष समिक बडालले काठमाडौँ महानगरका मेयर बालेन शाहलाई मन्त्रीसँग समन्वय गर्न आग्रह गरेका छन् ।
उनले सामाजिक सञ्जाल फेसबुकमा लेख्दै स्टाटस लेख्नुभन्दा प्रशासकीय अधिकृतका लागि मन्त्रीसँग समन्वय गर्न आग्रह गरेका हुन् ।
उनले लेखेका छन्, 'काठमाडौँ महानगरमा कार्यकारी नआउँदा मेयर बालेन्द्र साहेबले प्रधानमन्त्रीलाई नै गुनासो पोख्नुपर्ने अवस्था आयो ! मन्त्रीसँग समन्वय गर्ने कि फेसबुकमा तिक्तता पोख्ने ? लौ है, छिटो कार्यकारी पठाइदिनुस्, नत्र मेयर बालेन्द्र साहेबलाई अर्को शुक्रबार फेरि नयाँ स्टाटस लेख्न बाध्य पार्ने खतरा छ !'
पछिल्लो समय सरकारले काठमाडौँ महानगरपालिकामा प्रशासकीय अधिकृत नपठाएको आरोप लगाउँदै मेयर बालेनले आक्राश व्यक्त गर्दै आएका छन् ।