काठमाडौं । धरान उपमहानगरपालिकाका मेयर हर्क साम्पाङले प्रधानमन्त्री केपी शर्मा ओलीलाई मेयरहरूसँग नजुध्न आग्रह गरेका छन् ।
काठमाडौँ महानगरका मेयर बालेन शाहको पक्षमा उभिँदै उनले शनिबार बिहान सामाजिक सञ्जालमार्फत प्रधानमन्त्री ओलीलाई यस्तो आग्रह गरेका हुन् ।
उनले प्रधानमन्त्री भएर मेयरहरूसँग जुधेर केही नहुने बताउँदै नरेन्द्र मोदी र सि जिनपिङसँग जुधेर देखाउन चुनौती दिए ।
उनले लेखेका छन्, 'प्रधानमन्त्रीको भूमिका प्रधानमन्त्रीको जस्तो हुनु पर्छ ! मेयरहरूसँग जुधेर हुँदैन ! सक्छ भने नरेन्द्र मोदी र सि जिनपिङसँग जुध्नु बरु !'
काठमाडौंका मेयर बालेन र प्रधानमन्त्रीबीच पछिल्लो समय विवाद बढ्दै गएको छ ।