भक्तपुर । नेपाल मजदुर किसान पार्टीका सचिव एवं प्रतिनिधिसभा सदस्य प्रेम सुवालले नेपालमा राजा फर्कने कुनै सम्भावना नरहेको दाबी गरेका छन् ।
चाँगुनारायण नगरपालिकाको नवौं स्थापना दिवस समारोहलाई मंगलबार उद्घाटन गर्दै उनले यस्तो दाबी गरेका हुन् । उनले नेपाल मजदुर किसान पार्टी राजाको पक्षमा कहिल्यै नरहेको बताए ।
‘पार्टी अध्यक्षको एउटा अन्तर्वार्तालाई काटकुट गरी अतिरञ्जित गर्ने प्रयास भएको छ । नेमकिपा कहिल्यै पनि राजाको पक्षमा छैन, हिजो पनि थिए, अब पनि हुँदैन’, सुवालले भने, ‘त्यसैले भ्रम फलाएर राजाको पक्षमा जनमत ल्याउन नखोजौं, राजसंस्था अब फर्किन्न ।’
सत्तामा पुगेका दलहरूले जनता र देशको पक्षमा काम गर्नुपर्ने बताउँदै उनले विदेशी प्रतिक्रियावादीसँग सधैँ चनाखो रहनुपर्ने बताए ।