Jun 27 2026 | २०८३, आषाढ १३ गते
27 Jun 2026 | शनिवार, आषाढ १३ गते २०८३
शनिवार, आषाढ १३ गते २०८३
Jun 27 2026 | २०८३, आषाढ १३ गते
27 Jun 2026 | शनिवार, आषाढ १३ गते २०८३
मंगलवार , चैत्र ११, २०८१
काठमाडौं । राष्ट्रिय प्रजातन्त्र पार्टी (राप्रपा) का सांसद ज्ञानेन्द्र शाहीले नेपाली कांग्रेसद्वय र नेकपा (माओवादी केन्द्र) का अध्यक्ष पुष्पकमल दाहाल प्रचण्डमाथि कडा टिप्पणी गरेका छन् ।
मंगलबार बिहान सामाजिक सञ्जाल फेसबुकमार्फत उनले नेपाल विद्युत् प्राधिकरणका कार्यकारी निर्देशक कुलमान घिसिङलाई हटाउने निर्णयप्रति टिप्पणी गरेका हुन् ।
उनले नेपाली कांग्रेसका महामन्त्री गगन थापा र विश्वप्रकाश शर्मालाई उर्जामन्त्री दीपक खड्कालाई फिर्ता बोलाउन चुनौती दिए ।
उनले लेखेका छन्, 'यदि साँच्चै तपाईँहरू कुलमान घिसिङलाई पुनर्नियुक्ति गर्न चाहनुहुन्छ भने, उहाँलाई हटाउने मन्त्रीलाई फिर्ता बोलाउनुहोस् र कारबाही गर्नुहोस्। चाबी-ताला तपाईहरुकै हातमा छ।'
त्यस्तै, प्रचण्डलाई पनि उनले गोहीको जस्तो आँसु नझार्न सुझाव दिएका छन् । उनले भने, 'यदि साँच्चै कुलमान घिसिङलाई पुनर्नियुक्ति गर्न चाहनुहुन्छ भने, हिजो सिंहदरबारमा गोप्य रूपमा गरिएको टिआरसी विधेयक सम्झौता कांग्रेस र एमालेसँग तोड्नुहोस्। होइन भने, हात्तीका दुई दाँतजस्तो देखाउने र चपाउने छुट्टाछुट्टै व्यवहार नगर्नुहोस्। गोहीको आँसु नझार्नुस्।'
सोमबार बसेको मन्त्रिपरिषद् बैठकले कुलमान घिसिङलाई हटाएर हितेन्द्र शाक्यलाई नेपाल विद्युत प्राधिकरणको कार्यकारी निर्देशकमा नियुक्त गरेपछि सरकारको यो निर्णयको सर्वत्र विरोध भइरहेको छ।
© 2026 All right reserved to onlinenepal.com
Design & Developed By
