काठमाडौँ । संविधान र गणतन्त्र पक्षधर विपक्षी दलहरूको बैठक जारी छ । नेकपा (माओवादी केन्द्र) को संसदीय दलको कार्यालयमा बैठक बसिरहेको हो ।
स्रोतका अनुसार बैठकमा चैत १५ गते सङ्घीय राजधानी काठमाडौँमा गर्न लागिएको आन्दोलनको विषयमा छलफल हुनेछ ।
साथै सरकारले नेपाल विद्युत् प्राधिकरणका कार्यकारी निर्देशक कुलमान घिसिङलाई हटाएकोबारे पनि छलफल भइरहेको छ ।
बैठकमा माओवादी केन्द्रका अध्यक्ष पुष्पकमल दाहाल प्रचण्ड, नेकपा (एकीकृत समाजवादी) का अध्यक्ष माधवकुमार नेपाल, रास्वपा कार्यवाहक अध्यक्ष डीपी अर्याल, नेसपा अध्यक्ष महिन्द्रा राय यादवलगायत सहभागी छन् ।