हितेन्द्र र कुलमानको रिट प्रधानन्यायाधीश राउत र सुवेदीको इजलासमा सुनुवाइ हुँदै

अनलाइन नेपाल

आइतवार , चैत्र १६, २०८१

हितेन्द्र र कुलमानको रिट प्रधानन्यायाधीश राउत र सुवेदीको इजलासमा सुनुवाइ हुँदै

काठमाडौं । नेपाल विद्युत् प्राधिकरणको कार्यकारी निर्देशकबाट हटाइएका कुलमान घिसिङ र नवनियुक्त कार्यकारी निर्देशक हितेन्द्रदेव शाक्यका दुवै रिटमा सर्वोच्च अदालतमा आज सुनुवाइ हुँदैछ ।

प्रधानन्यायाधीश प्रकाशमानसिंह राउत र न्यायाधीश सारंगा सुवेदीको संयुक्त इजलासमा सुनुवाइ हुन लागेको हो ।

दुवैले एकार्कासहित प्रधानमन्त्री तथा मन्त्रिपरिषद्को कार्यालय, ऊर्जा मन्त्रालय, ऊर्जा, जलस्रोत तथा सिँचाइमन्त्री, विद्युत् प्राधिकरण र विद्युत् नियमन आयोगलाई विपक्षी बनाउँदै रिट दायर गरेका थिए ।

यसअघि शुक्रबार प्राम्भिक सुनुवाइ गर्दै सो रिटमा सर्वोच्चले कारण देखाउ आदेश जारी गरेको थियो। न्यायाधीश अव्दुलअजीज मुसलमानको एकल इजलासले घिसिङलाई बर्खास्त गर्नुपर्ने कारण सरकारलाई सोधेको थियो।

अदालतले लिखित जवाफ माग गर्दै अन्तरिम आदेश हुने वा नहुने विषयमा दुवै पक्षलाई आइतबार छलफलका लागि बोलाएको हो ।

प्रतिक्रिया दिनुहोस्

नयाँ अपडेट

थप नयाँ अपडेट

हितेन्द्र र कुलमानको रिट प्रधानन्यायाधीश राउत र सुवेदीको इजलासमा सुनुवाइ हुँदै