Jun 26 2026 | २०८३, आषाढ १२ गते
26 Jun 2026 | शुक्रवार, आषाढ १२ गते २०८३
शुक्रवार, आषाढ १२ गते २०८३
Jun 26 2026 | २०८३, आषाढ १२ गते
26 Jun 2026 | शुक्रवार, आषाढ १२ गते २०८३
बिहिवार , बैशाख ११, २०८२
काठमाडौँ । नेकपा एमालेले आज ‘यूथ सेलिब्रेशन’ को आयोजना गर्दैछ । एमालेले युवालाई ‘जनताले जितेको दिन’ को स्मरण गराउने उद्देश्यले लोकतन्त्र दिवसका दिन आज ‘यूथ सेलिब्रेशन’ गर्न लागेको हो ।
एमाले युवा सङ्घ नेपालका अनुसार भृकुटीमण्डपमा ‘यूथ सेलिब्रेशन’ समारोह आयोजना गर्न लागिएको छ । ‘यूथ सेलिब्रेशन’ मा एक लाख युवाहरू सहभागी हुने दाबी गरिएको छ ।
नयाँ पुस्तामा राजनीतिक परिवर्तनको महत्त्व स्थापित गर्ने योजना अन्तर्गत कार्यक्रम आयोजना गरिएकाले राष्ट्रव्यापी रूपमा युवाको सहभागिताका लागि त्यहाँ बहस हुने बताइएको छ ।
भृकुटीमण्डपमा हुने युवा उत्सवमा प्रधानमन्त्री एवम् एमाले अध्यक्ष केपी शर्मा ओलीसमेत सहभागी हुनेछन् । कार्यक्रममा विभिन्न चर्चित कलाकार ब्यान्डको साङ्गीतिक प्रस्तुति, फोटो सेसन, टिकटक, लगायत युवाहरूलाई मनोरञ्जन दिन सकिने व्यवस्था मिलाएको एमालेले जनाएको छ ।
‘यूथ सेलिब्रेशन’मा सांगीतिक प्रस्तुति दिने कलाकार र ब्याण्डको लाइनअप घोषणा समेत गरिएको छ । सूचीमा पछिल्लो वर्ष धेरै सुनिएको गीत ‘म त ढलेँ ढलेँ’ फेम्ड गायिका शान्तारानी परियारदेखि युवापुस्तामा निकै रुचाइएको ब्याण्ड ‘पूर्ण राई एण्ड दाजुभाईहरू’ सम्म समावेश छन् ।
एमालेले सामाजिक संजालबाट सार्वजनिक गरेको लाइनअपमा शान्तारानी परियार, एलिना चौहान, वाङदेन शेर्पा एन्ड द काउब्वायज, द एलिमेन्ट्स, सुशान्त एन्ड रागा र पूर्ण राई एण्ड दाजुभाईहरू छन् ।
© 2026 All right reserved to onlinenepal.com
Design & Developed By
