काठमाडौं । सत्ता साझेदार दल नेपाली कांग्रेसका सांसद एवं पूर्वअर्थमन्त्री डा. प्रकाशशरण महतले हरेक पालिकामा १५ बेडको अस्पताल सम्भव नरहेको बताएका छन् ।
बिहीबार प्रतिनिधिसभाको बैठकमा प्रि–बजेट छलफलमा बोल्दै उनले यस्तो बताएका हुन् ।
उनले भने–‘अब हरेक पालिकामा १५ बेडको अस्पताल सम्भव छैन । ७५३ को सट्टा दुई सय बनाऔं । पायक पर्ने ठाउँमा बनाऔं दुईरतीन पालिकाको बीचमा । त्यसमा पूर्ण शक्ति लगाऔं, डाक्टर, नर्स र भवनको व्यवस्था गरौं ।’
तत्काल लोकप्रिय हुन नभएर दीर्घकालीन रुपमा अर्थ राख्ने खालको बजेट बनाउन उनले सरकारलाई आग्रह गरे ।