म नै कम्युनिष्ट एकताको प्रस्तावक हुँ, जनताको भावनाप्रति गम्भीर छु : प्रचण्ड

अनलाइन नेपाल

मंगलवार , जेठ ७, २०८२

म नै कम्युनिष्ट एकताको प्रस्तावक हुँ, जनताको भावनाप्रति गम्भीर छु : प्रचण्ड

जाजरकोट । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले आफू नै कम्युनिष्ट एकताको प्रस्तावक भएको बताएका छन् ।

अध्यक्ष प्रचण्ड नेतृत्वको मध्यपहाडी लोकमार्ग जनसंवाद अभियान टोलीले जाजरकोटको भेरी नगरपालिकामा आयोजना गरेको अन्तरसंवाद कार्यक्रममा जनप्रतिनिधि, राजनीतिक दल, कर्मचारी, पत्रकार, नागरिक समाज तथा स्थानीय सरोकारवालासँग विचार आदानप्रदान गरेको हो ।

सो कार्यक्रममा बोल्दै उनले आफू नै कम्युनिष्ट एकताको प्रस्तावक भएको बताएका हुन् । ‘मैले नै पार्टी एकता गरेर केपी ओलीलाई प्रधानमन्त्री बनाएको हुँ,’ उनले भने, ‘तर त्यो एकता किन टुट्यो रु त्यसको डाइग्नोसिस नगरी उपचार सम्भव छैन। हामीले इमानदारीपूर्वक मूल्याङ्कन गर्नुपर्छ।’

अध्यक्ष प्रचण्डले संघीयताको मर्मअनुसार अधिकार प्रत्यायोजन हुन नसकेको जनगुनासोलाई सम्बोधन गर्दै संघीयताको प्रभावकारिता बढाउन सरकारलाई आग्रह गरे । उनले जनताको सुझाव र आलोचना गम्भीर रूपमा ग्रहण गर्दै पार्टीलाई आत्मसमीक्षा गरेर अघि बढाइरहेको बताए ।

प्रतिक्रिया दिनुहोस्

नयाँ अपडेट

थप नयाँ अपडेट

म नै कम्युनिष्ट एकताको प्रस्तावक हुँ, जनताको भावनाप्रति गम्भीर छु : प्रचण्ड