काठमाडौं। प्रतिपक्षी दलका सासंदहरुले भिजिट भिसा प्रकरणमा गृहमन्त्रीको राजीनामा माग गर्दै संसद अवरोध गरेपछि आधा घण्टाका लागि स्थगित भएको बैठक अझै सुरु हुन सकेको छैन ।
गृमन्त्रीको राजीनामा नआउँदासम्म संसद् अघि बढ्न नदिने भन्दै विपक्षी दलका सांसदहरुले अबरोध भएपछि सभामुख देवराज घिमिरेले आधा घण्टाको लागि स्थगित गरेका थिए ।
संसद स्थगित भएको दुई घण्टा बितिसक्दासमेत बैठक शुरु भएको छैन् । सभामुख घिमिरेले १२ बजे आधा घण्टाका लागि बैठक स्थगित गरेका थिए ।
प्रतिनिधिसभा बैठकमा प्रमुख प्रतिपक्षी दल नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टीलगायतका विपक्षी दलले गृहमन्त्रीकोबरुद्धमा नारा लगाउदै राजीनामा माग्दै संसद् अवरोध गरेका थिए ।
बैठक स्थगित गरेर सभामुख आन्तरिक छलफलमा छन् ।