Jun 25 2026 | २०८३, आषाढ ११ गते
25 Jun 2026 | बिहिवार, आषाढ ११ गते २०८३
बिहिवार, आषाढ ११ गते २०८३
Jun 25 2026 | २०८३, आषाढ ११ गते
25 Jun 2026 | बिहिवार, आषाढ ११ गते २०८३
शुक्रवार , जेठ १७, २०८२
काठमाडौं । प्रतिनिधिसभा बैठक जेठ २० गतेदेखि असार १५ गतेसम्म १९ दिन बस्ने भएको छ ।
सभामुख देवराज घिमिरेले आज बोलाएको कार्यव्यवस्था परामर्श समिति बैठकले जेठमा १० दिन र असारमा ९ दिन गरी १९ दिन बस्नेगरी संस्दको क्यालेन्डर पारित गरेको हो ।
पारित कार्यतालिका अनुसार जेठमा २०, २१, २२, २३, २५, २६, २७, २८, २९ र ३० गते बैठक बस्नेछ । त्यस्तै असारमा १, २, ३, ४, ५, ६, १०, ११ र १२ गते बैठक बस्नेछ ।
संसद सचिवालयले सार्वजनिक गरेको कार्यसूचीअनुसार यही २० गतेबाट बजेटमाथि छलफल प्रारम्भ हुनेछ ।
२३ गते उपप्रधानमन्त्री एवं अर्थमन्त्री विष्णु पौडेलले बजेटमाथि उठेका जवाफमा प्रष्टीकरण दिने छन् । २६ गतेबाट मन्त्रालयगत छलफल र खर्च कटौतीका प्रस्तावहरू राखिएको छ ।
शिक्षा विधेयक भने यो तालिकामा परेको छैन । उक्त विधेयक संसदीय समितिबाट नटुंगिएकाले पछि कार्यसूचीमा राखिने नेताहरूले बताएका छन् ।
राजधानीमा २१ दिनसम्म आन्दोलन गरेका शिक्षकसँगको सहमतिअनुसार सरकारले असार १५ सम्म शिक्षा ऐन जारी गर्नुपर्छ ।
सम्भावित तालिकाअनुसार २० गते संघीय निजामती सेवा विधेयक पेश गरिनेछ । त्यस्तै २५ गते भूमिसम्बन्धी केही नेपाल ऐन संशोधन विधेयक पेश गरिनेछ ।
यस्तो छ, संसद्को कार्यतालिका :
© 2026 All right reserved to onlinenepal.com
Design & Developed By
