काठमाडौं । नेपाली कांग्रेसका महामन्त्री गगन थापाले पार्टीको महाधिवेशनको लास्ट डेट २०८३ को मंसिर महिना भएको बताएका छन् ।
नेपाली कांग्रेस प्रदेश सभा क्षेत्रीय कार्यसमिति क्षेत्र नम्बर ६ प्रदेश ‘क’ काठमाडौंको तेस्रो प्रदेश सभा क्षेत्रीय सम्मेलन तथा प्रशिक्षण कार्यक्रमलाई सम्बोधन गर्दै उनले स्थानीय निर्वाचनलाई प्रभावित पार्ने भएकाले अगाडि नै महाधिवेशन गर्नुपर्ने पर्ने बताए ।
महाधिवेशनका बारेमा कोही पनि कन्फ्युजनमा नरहन भन्दै उनले लास्ट डेट भनेको ०८३ को मंसिर भएको बताए ।
उनले जतिसक्दो चाडै क्रियाशील सदस्यको काम सक्न कार्यकर्ताहरुलाई आग्रह गर्दै भने, ‘तपाईंहरू कसैको दिमागमा कहीँ कतै यो ०८४ सालको निर्वाचनपछि अधिवेशन हुन्छ भन्ने आशंका छ भने त्यो भ्रमबाट निस्किहाल्नुस् । ’