Jun 24 2026 | २०८३, आषाढ १० गते
24 Jun 2026 | बुधवार, आषाढ १० गते २०८३
बुधवार, आषाढ १० गते २०८३
Jun 24 2026 | २०८३, आषाढ १० गते
24 Jun 2026 | बुधवार, आषाढ १० गते २०८३
आइतवार , आषाढ ८, २०८२
काठमाडौं । राष्ट्रिय स्वतन्त्र पार्टीका सांसद सोविता गौतमले आगामी निर्वाचनमा रास्वपा देशको पहिलो ठूलो दल बन्नेमा कुनै शंका नरहेको दाबी गरेकी छन् ।
आइतबार भारतको कर्नाटक राज्यको बैंगलोरमा आयोजित पार्टीको राज्य समिति घोषणा सभालाई सम्बोधन गर्दै उनले यस्तो दाबी गरेका हुन् । भारतमा रहेका नेपालीहरूको उत्साहले आगामी निर्वाचनमा रास्वपा देशको पहिलो ठूलो दल बन्नेमा कुनै शंका नरहेको बताइन् ।
कार्यक्रमपछि सामाजिक सञ्जालमा लेख्दै उनले भारतमा रोजगारीका लागि पुगेका नेपालीहरूको उत्साह र निर्वाचनप्रतिको व्यग्र प्रतीक्षाले आफूलाई उत्साहित बनाएको उल्लेख गरेकी छिन् ।
‘अधिकांश साथीहरू सुदूरपश्चिम, कर्णाली र लुम्बिनी प्रदेशबाट रोजगारीका लागि यहाँ आउनुभएको रहेछ। उहाँहरूले आउने निर्वाचनमा अनिवार्य नेपाल फर्किने र देशको भाग्य बदल्ने अभियानमा सहभागी हुने उत्साह व्यक्त गर्नुभयो,‘ उनले लेखेकी छन्, ‘हाम्रो आग्रहभन्दा बढी उहाँहरूको उत्साह र निर्वाचनप्रति देखिएको व्यग्र प्रतीक्षाले अबको निर्वाचनमा रास्वपा पहिलो ठूलो दल बन्ने कुरामा कुनै शंका छैन।’
देशबाट टाढा भए पनि नेपालीहरूको मनमा समृद्ध नेपालको सपना रहेको बताउँदै उनले आगामी निर्वाचनमा जनताले मतपत्रको शक्तिबाट आफ्नो भाग्य आफैं लेख्ने विश्वास व्यक्त गरिन् ।
राष्ट्रिय स्वतन्त्र पार्टी, प्रवासी नेपाली सम्पर्क मञ्च, भारतअन्तर्गत कर्नाटक राज्य समितिको घोषणा सभा आइतबार बैंगलोरमा हजारौं नेपालीको उपस्थिति रहेको थियो । कार्यक्रममा गौतमसँगै रास्वपाका केन्द्रीय सदस्य हरि ढकालको पनि सहभागी थिए ।
© 2026 All right reserved to onlinenepal.com
Design & Developed By
