Jun 24 2026 | २०८३, आषाढ १० गते
24 Jun 2026 | बुधवार, आषाढ १० गते २०८३
बुधवार, आषाढ १० गते २०८३
Jun 24 2026 | २०८३, आषाढ १० गते
24 Jun 2026 | बुधवार, आषाढ १० गते २०८३
मंगलवार , आषाढ १०, २०८२
काठमाडौं । प्रधानमन्त्री केपी शर्मा ओलीले जलविद्युतमा ‘टेक एन्ड पे’ हटाइएको बताएका छन् ।
आजको प्रतिनिधिसभामा सांसदहरुले सोधेको प्रश्नको उत्तर दिंदै प्रधानमन्त्रीले ‘टेक एन्ड पे’ हटाइएको बताएका हुन् ।
प्रधानमन्त्री ओलीले भने–‘एक जना माननीयज्यूले भन्नुभयो– ‘टेक एन्ड पे’ किन हटाउनु भयो ? राम्रो गर्न ल्याइएको थियो, नराम्रो गर्ला जस्तो भो हटाइयो ।’
आगामि आर्थिक वर्षको बजेटमा जलविद्युतमा ‘टेक एन्ड पे’ मापदण्ड राखिएपछि चौतर्फी रुपमा विवाद भएको थियो ।
यसअघि उपप्रधानमन्त्री एवं अर्थमन्त्री विष्णुप्रसाद पौडेलले बजेटको बुँदा नम्बर २२७ का सन्दर्भमा थप स्पष्ट पार्दै नयाँ प्रस्ताव गरेका हुन् ।
उनको प्रस्ताव अनुसार उक्त बुँदामा अब वित्तीय जोखिम मूल्यांकनका आधारमा ऊर्जा खपत तथा निर्यात हुने यकिन भएका र नेपाल विद्युत् प्राधिकरणले दायित्व भुक्तानी गर्न सक्ने सुनिश्चित भएका आयोजनाको विद्युत् खरिद सम्झौता गर्न सकिने छ भन्ने बेहोरा उल्लेख गरिएको छ ।
यसअघि यो बुँदामा ‘जलविद्युत् आयोजना सम्पन्न हुने समय तालिकासँग सङ्गति मिल्ने गरी सबस्टेसन र प्रसारण लाइन निर्माण गरिने छ । विद्युत् उत्पादन र खपतबीच सन्तुलन कायम हुने गरी विद्युत् खरिद सम्झौता गर्ने नीति लिइने छ । रन अफ रिभर आयोजनाको टेक एन्ड पे अवधारणा अनुरूप विद्युत् खरिद सम्झौता गरिनेछ,’ भन्ने बेहोरो उल्लेख थियो ।
उक्त बुँदामा सत्तारुढ दल एमाले र कांग्रेसबीच नै चर्को विवाद भएसँगै यो विषय सच्याउने सहमति भएको थियो ।
© 2026 All right reserved to onlinenepal.com
Design & Developed By
