इजरायलसँगको १२ दिने युद्धमा इरानमा ९३५ जना मारिए

अनलाइन नेपाल

मंगलवार , आषाढ १७, २०८२

इजरायलसँगको १२ दिने युद्धमा इरानमा ९३५ जना मारिए

एजेन्सी । इजरायलसँग भएको १२ दिन लामो युद्धका क्रममा इरानमा कम्तीमा ९३५ जना मारिएका छन् ।

युद्धविराम लागू भएको करिब एक सातापछि इरानी सरकारी सञ्चार माध्यमले यो विवरण सार्वजनिक गरेका हुन् ।

'सियोनवादी शासनद्वारा हाम्रो देशमाथि थालिएको १२ दिने युद्धको क्रममा हालसम्म ९३५ जना शहीदको पहिचान गरिएको छ,' न्याय परिषद्का प्रवक्ता असगर जहाङ्गीरलाई उद्धृत गर्दै सरकारी समाचार संस्था इरनाले जनाएको छ।

मृतकमध्ये १३२ जना महिला र ३८ जना बालबालिक रहेका छन् ।

इरानका अनुसार जुन १३ गते इजरायलले इरानका सैनिक शिविर, आणविक अनुसन्धान स्थल र आवासीय क्षेत्रहरूलाई लक्षित गरी बम आक्रमण सुरु गरेको थियो। ती आक्रमणमा उच्चपदस्थ सैनिक अधिकृतहरू र वैज्ञानिकहरूको मृत्यु भएको उल्लेख गरिएको छ।

प्रतिक्रिया दिनुहोस्

नयाँ अपडेट

थप नयाँ अपडेट

इजरायलसँगको १२ दिने युद्धमा इरानमा ९३५ जना मारिए