एजेन्सी । अमेरिकाको शिकागोको एक नाइटक्लब बाहिर गोलाबारी भएको छ । जसमा चारजनाको मृत्यु भएको छ भने १४ जना घाइते भएका छन् ।
शिकागोको प्रहरीका अनुसार बुधबार राति स्थानीय समयअनुसार करिब ११ बजे एउटा गाडी क्लबनजिकैबाट गइरहेका बेला त्यसमा सवार बन्दुकधारीहरूले बाहिर रहेका मानिसहरूमाथि गोली चलाएका थिए ।
प्रहरीका अनुसार २४ र २५ वर्षका दुई पुरुष र २६ र २७ वर्षका दुई महिलाको मृत्यु भएको छ ।
सीबीएसन्यूजका अनुसार र्यापर मेलो बकजको एल्बम रिलिज पार्टीपछि नाइट क्लबबाट मानिसहरूको भीड बाहिर निस्किरहेको थियो ।