काठमाडौं । एएफसी महिला एसियन कप छनोट अन्तर्गत समूह ‘एफ’ अन्तर्गतको उज्बेकिस्तानसँगको खेलमा पहिलो हाफमा नेपाल ३–१ ले पछाडि परेको छ ।
उज्बेकिस्तानको टोलीले ४० औं मिनेटमा पेनाल्टी मार्फत तेस्रो गोल गरेको हो । यसअघि नेपालकी कप्तान सावित्रा भण्डारी (साम्बा) ले २५ औं मिनेटमा गोल गर्दै नेपाललाई २–१ को अवस्थामा पुर्याएकी थिइन् ।
खेल सुरु भएको दोस्रो मिनेटमा नै उज्बेकिस्तानले गोल गरेको थियो । त्यस्तै खेलको ११ औं मिनेटमा उज्बेकिस्तानले दोस्रो गोल थप्यो ।
यस्तै नेपालसँगको खेलमा उज्बेकिस्तानकी खेलाडीले रेड कार्ड पाएर मैदान छाडेकी छन् ।