मोरङ कारागारमा एक कैदी बन्दीको उपचारकै क्रममा मृत्यु

अनलाइन नेपाल

बुधवार , आषाढ २५, २०८२

विराटनगर । मोरङ जिल्ला कारागारमा जबरजस्ती करणी अभियोगमा थुनामा रहेका एक बन्दीको उपचारको क्रममा मृत्यु भएको छ।

विराटनगर महानगरपालिका–५ निवासी ४० वर्षीय सन्तोष पालको बुधबार दिउँसो कोशी अस्पतालमा निधन भएको हो ।

उनी २०८१ मंसिर ११ गतेदेखि कारागारमा थुनामा थिए । उनको मुद्दा हाल मोरङ जिल्ला अदालतमा विचाराधीन अवस्थामा रहेको थियो ।

पालको शरीर सुन्निने र श्वासप्रश्वासमा समस्या देखिएपछि १२ असारमा उनलाई अस्पताल भर्ना गरिएको थियो ।

मोरङ कारागारका जेलर गौरव ढुंगेलका अनुसार उपचारका क्रममा उनको मृत्यु भएको हो ।

प्रतिक्रिया दिनुहोस्

नयाँ अपडेट

थप नयाँ अपडेट

बाजुरा र हुम्लाको विवादित सीमामा सशस्त्र प्रहरी तैनाथ, प्रधान कार्यालयबाटै अनुगमन गरिने