एजेन्सी । भियतनाममा खराब मौसमका कारण डुंगा पल्टिँदा ३४ जनाको मृत्यु भएको छ भने ८ जना बेपत्ता छन् ।
लोकप्रिय पर्यटकीय स्थल हालोङ्ग खाडीमा डुंगा दुर्घटना भएको हो । डुंगामा अधिकांश हनोईबाट आएका भियतनामी नागरिक रहेको बताइएको छ ।
पर्यटकहरु डुंगा चढेर रमाइरहेका बेला अचानक तुफान आएको थियो। सो तुफानले डुंगा पल्टाइदिएको स्थानीय मिडियाहरुले उल्लेख गरेका छन् ।
घटनास्थलमा खोज तथा उद्धारको कार्य जारी रहेको स्थानीय प्रशासनले जनाएको छ ।