एजेन्सी । थाइल्याण्डले कम्बोडियासँगको तनाव ‘युद्धमा परिणत हुनसक्ने’ चेतावनी दिएको छ । थाइल्याण्डका कार्यवाहक प्रधानमन्त्री फुमथान वेचायाचाइले यस्तो चेतावनी दिएका हुन् ।
शुक्रबार दुई मुलुकबीचको तनाव दोस्रो दिन पनि जारी रहेका बेला थाइल्याण्डले यस्तो चेतवानी दिएको हो । बिहीबार शुरु भएको पछिल्लो तनावका क्रममा हालसम्म १६ जनाको ज्यान गइसकेको छ ।
अन्तर्राष्ट्रिय सञ्चार माध्यमका अनुसार मारिनेमा १५ जना थाइल्याण्डका छन् भने एक जना कम्बोडियाका छन् । यसअघि बिहीबार कम्बोडिया र थाइल्याण्डले एक अर्कामाथि गोलाबारी गरेको आरोप लगाएका थिए ।