काठमाडौं । विश्वकप विजेता स्पेनलाई हराउँदै इंग्ल्यान्डले महिला युरो कपको उपाधि जितेको छ ।
आइतबार राति स्विट्जरल्यान्डमा भएको फाइनलमा इंग्ल्यान्डले पेनाल्टी सुटआउटमा स्पेनलाई ३–१ ले हराएको हो ।
स्वीट्जरल्यान्डको बसेलमा रहेको सेन्ट ज्याकोब पार्कमा भएको फाइनल खेलमा निर्धारित र थप समय पनि १–१ गोलको बराबरी भएपछि पेनाल्टी सुटआउट भएको थियो ।
इङ्ल्यान्डको कुनै पनि टोलीले विदेशी भूमिमा जितेको यो पहिलो ठूलो उपाधि हो । सेमिफाइनलमा इङ्ग्ल्यान्डले इटालीलाई र स्पेनले जर्मनीलाई हराउँदै फाइनलमा पुगेका हुन् ।