Jul 23 2026 | २०८३, श्रावण ७ गते
23 Jul 2026 | बिहिवार, श्रावण ७ गते २०८३
बिहिवार, श्रावण ७ गते २०८३
Jul 23 2026 | २०८३, श्रावण ७ गते
23 Jul 2026 | बिहिवार, श्रावण ७ गते २०८३
बिहिवार , श्रावण २२, २०८२
काठमाडौं । भारतीय प्रधानमन्त्री नरेन्द्र मोदीले किसानको हितलाई सर्वोच्च प्राथमिकतामा राख्ने बताएका छन् ।
अमेरिकी राष्ट्रपति डोनाल्ड ट्रम्पले बुधबार भारतमाथि २५ प्रतिशत अतिरिक्त ट्यारिफ (भन्सार शुल्क) लगाउने घोषणा गरेपछि मोदीले किसानको हितविपरीत कुनै सम्झौता नहुने बताएका हुन् ।
भारतको राजधानी नयाँ दिल्लीमा आयोजित एक कार्यक्रममा मोदीले व्यक्तिगत रूपमा ठूलो मूल्य चुकाउनुपरे पनि त्यसको लागि आफू तयार भएको बताए ।
भारतले अमेरिकी कृषि उत्पादनका निम्ति आफ्नो बजार खुला गर्न मानेको छैन । यही कारण भारत र अमेरिकाबीच व्यापार सम्झौता हुन सकेको छैन । सम्झौता नहुँदा अमेरिकाले भारतमाथि हाल ५० प्रतिशतसम्म कर लगाएको छ ।
ट्रम्पले बुधबार भारतमाथि २५ प्रतिशत अतिरिक्त आयातकर लगाउने घोषणा गरेका थिए ।
भारतले आफ्ना किसानलाई जोगाउन आयातमा शून्यदेखि १५० प्रतिशतसम्म भन्सार शुल्क लगाउँदै आएको छ ।
दिल्लीस्थित थिंक ट्यांक ग्लोबल ट्रेड रिसर्च इनिसिएटिभ (जीटीआरआई)का अनुसार, भारतमा अमेरिकी कृषि उत्पादनमाथि औसत ३७.७ प्रतिशत कर लगाइन्छ । जबकि, अमेरिकामा भारतीय कृषि उत्पादनमाथि ५.३ प्रतिशत मात्र भन्सार शुल्क लगाइने गरेको छ ।
ट्रम्पले सबै व्यापारिक साझेदार देशहरूलाई १ अगस्टसम्म व्यापार सम्झौता गर्न समयसीमा दिएका थिए । यदि, यो मितिसम्म सम्झौता नभए, अमेरिकाले ती देशहरूमाथि उच्च पारस्परिक कर लगाउन सुरु गर्ने बताएका थिए । बीबीसी
© 2026 All right reserved to onlinenepal.com
Design & Developed By
