एजेन्सी । क्यानडाको सरे सहरस्थित भारतीय हास्य कलाकार कपिल शर्माको क्याफे 'क्याप्स क्याफे' फेरि गोली प्रहार भएको छ । यो एक महिनाभित्र दोस्रोपटक सो क्याफेलाई लक्षित गरी आक्रमण भएको हो ।
सामाजिक सञ्जालमा भाइरल बनेको भिडिओमा एक कारभित्र रहेका व्यक्तिहरूले कपिलको क्याफेतर्फ गोली प्रहार गरिरहेको दृश्य देखिन्छ। भागदौड र त्रासपूर्ण वातावरण देखिएको भिडियोले घटनाको गम्भीरता उजागर गरेको छ।
क्याफेमा आक्रमण भएको केहीबेरमै गोल्डी ढिल्लन नामक आपराधिक समूहले सार्वजनिक रूपमा घटनाको जिम्मेवारी लिएको छ।
उसले आफ्नो एक अनलाइन पोस्टमार्फत भनेको छ – “सबै दाजुभाइलाई राम राम.. गोल्डी ढिल्लन र लरेन्स बिश्नोई गिरोहले आज सरेको कपिल शर्माको क्याप्स क्याफेमा भएको गोलीबारीको जिम्मेवारी लिन्छ।”
गोल्डी ढिल्लनले आफू भारतको कुख्यात लरेन्स बिश्नोई गिरोहसँग आबद्ध रहेको दाबी पनि गरेको छ ।