काठमाडौं । नेपाल प्रिमियर लिग (एनपीएल) को दोस्रो संस्करणको अक्सनमा विकेटकिपर अर्जुन साउद गोलाप्रथाबाट चितवन पुगेका छन् ।
शनिबार ललितपुरस्थित रोयल टुलिपमा भएको अक्सनमा ‘ए’ क्याटागोरीका अर्जुनलाई चार टोली चितवन, कर्णाली याक्स र विराटनगर किंग्सले अधिकतम बोली १५ लाख रुपैयाँ लगाएका थिए ।
लक्की ‘ड्र’ हुँदा चितवन भाग्यमानी बनेको हो । अर्जुनको न्युनतम रकम १० लाख रुपैयाँ रहेको थियो ।
यसअघि देव खनाल र हेमन्त धामी गोलाप्रथाबाट विक्रि भएका थिए ।