एजेन्सी । भारतीय विदेशमन्त्री डा. एस. जयशंकरले क्रेमलिनमा रूसी राष्ट्रपति भ्लादिमिर पुटिनसँग भेट गरेका छन् । भेटपछि मन्त्री जयशंकरले पुटिनलाई भेट्न पाउँदा आफू सम्मानित महसुस भएको बताएका छन् ।
उनीमार्फत राष्ट्रपति द्रौपदी मुर्मु र प्रधानमन्त्री नरेन्द्र मोदीको न्यानो अभिवादन पनि राष्ट्रपति पुटिनलाई सुनाइएको छ ।
भेटका क्रममा जयशंकरले प्रथम उपप्रधानमन्त्री डेनिस मन्टुरोभ र विदेशमन्त्री सर्गेई लाभ्रोभसँग भएको छलफलको विषयमा जानकारी गराएका थिए । उनले वार्षिक नेता शिखर सम्मेलनको तयारी राम्रोसँग भइरहेको बताएका छन्।
त्यस अवसरमा विदेशमन्त्री जयशंकरले विश्वव्यापी अवस्था र युक्रेनमा हालैका घटनाक्रमबारे पुटिनसँग साझा दृष्टिकोण व्यक्त भएकोप्रति कदर व्यक्त गरेका छन् ।