Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार, जेठ २५ गते २०८३
Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
बिहिवार , भाद्र १९, २०८२
काठमाडौं । लोकप्रिय मोबाइल एप हाम्रो पात्रो तथा आइटी कम्पनी डियरवाकका सञ्चालक रुद्र पाण्डेविरुद्ध प्रहरीको साइबर ब्यूरोमा उजुरी परेको छ। ब्यूरोले पाण्डेलाई छलफलका लागि बोलाएको छ ।
सामाजिक सञ्जालमार्फत नेपालका विभिन्न आइटी कलेजको विषयमा भ्रम फैलाएको भन्दै उनीविरुद्ध उजुरी परेको हो । नेपालमा विदेशी विश्वबिद्यालयबाट सम्बन्धन प्राप्त कलेजहरुले ठगी गर्दै आएको भनेर पाण्डेले प्रचार गर्दै आएका छन् । पाण्डे आफैं पनि आइटी कलेजका समेत सञ्चालक हुन् ।
ब्रिटिश कलेज र कलेजहरुको संगठनले पाण्डेविरुद्ध उजुरी गरेको साइबर ब्यूरोका एक अधिकारीले बताए । प्रहरीले पाण्डेको खोजी गर्दा उनी अमेरिका रहेको खुलेपछि उनका सहयोगीलाई बोलाएको छ ।
साथै, पाण्डेको दोहोरो नागरिकता र पासपोर्ट प्रयोगको विषयमा पनि उजुरी परेको स्रोत बताउँछ । उनको अमेरिका र नेपालको पासपोर्ट रहेको भनेर उजुरी परेको छ । पाण्डेले केही समयअघि हाम्रो नेपाल पार्टी समेत खोलेका थिए ।
© 2026 All right reserved to onlinenepal.com
Design & Developed By
