काठमाडौं । बंगलादेशमा जारी सेन्ट्रल एसिया भलिबल संघ (काभा) कप पुरुष भलिबल प्रतियोगितामा नेपालले पहिलो जित हासिल गरेको छ ।
बंगलादेशको ढाकास्थित इन्डोर हलमा आज भएको तेस्रो खेलमा नेपालले माल्दिभ्सलाई ३–० को सेटमा हराउँदै प्रतियोगितामा पहिलो जित हासिल गरेको हो । यस जितसँगै तीन खेलमा नेपालले चार अक बटुलेको छ।
नेपालले माल्दिभ्सलाई पहिलो सेट २५–२१, दोस्रो सेट २५–२३ र तेस्रो सेट २५–१८ ले जितेको छ ।
यसअघि पहिलो खेलमा तुर्कमेनिस्तान र दोस्रो खेलमा बंगलादेशसँग नेपाल पराजित भएको थियो ।