Jun 07 2026 | २०८३, जेठ २४ गते
07 Jun 2026 | आइतवार, जेठ २४ गते २०८३
आइतवार, जेठ २४ गते २०८३
Jun 07 2026 | २०८३, जेठ २४ गते
07 Jun 2026 | आइतवार, जेठ २४ गते २०८३
आइतवार , चैत्र १, २०८२
काठमाडौं । राष्ट्रिय स्वतन्त्र पार्टी (रास्वपा) केन्द्रीय सचिवालय बैठक सुरू भएको छ।
बैठक केहिबेर अघिदेखि केन्द्रीय कार्यालय वनस्थलीमा सुरु भएको हो ।
स्वास्थ्य अवस्थाका कारण बैठकमा अनुपस्थित पार्टी सभापति रवि लामिछाने भर्चुअल तरिकाबाट जोडिएका छन्।
निर्वाचन आयोगले यसअघि तीन दिनभित्र समानुपातिकको सूची बुझाउन भनेको थियो । सोही अनुसार रास्वपाले सचिवालय बैठक मार्फत् उक्त सूची बुझाउन लागेको हो ।
आजको बैठकले समानुपातिक तर्फबाट उम्मेदवारको अन्तिम नामावली निर्वाचन आयोगलाई बुझाउने सूची तय गर्ने प्रवक्ता मनिष झाले जानकारी दिए ।
साथै बैठकमा पार्टीभित्रको वर्तमान व्यवस्थापन र आगामी रणनीतिबारे छलफल हुने अपेक्षा गरिएको छ ।
प्रत्यक्षमा १२५ सिटसहित पहिलो भएको रास्वपाले समानुपातिकमा समेत ५७ सिट जितेको छ ।
यता पार्टीका वरिष्ठ नेता एवम पार्टीको तर्फबाट भावी प्रधानमन्त्रीका दाबेदार बालेन्द्र साह (बालेन) भने बैठकमा सहभागी छैनन् ।
रास्वपासंगको एकतापछि अहिलेसम्म कुनै औपचारिक बैठकमा बालेन सहभागी भएका छैनन् । नयाँ सदस्यहरूका लागि विधान संशोधन गरेरमात्रै सहभागी गराउने पार्टीको तालिका छ ।
पार्टीले अब बस्ने केन्द्रीय कमिटी बैठक र सचिवालयले विधान संशोधन गरेर संसदीय दलको नेता बनाउनेछ । त्यसपछि मात्रै हुने पार्टीको औपचारिक बैठकमा सहभागी हुने स्रोतले जनाएको छ ।
© 2026 All right reserved to onlinenepal.com
Design & Developed By
