कालोपुलबाट २६ तोला सुनचाँदीसहित नगद चोर्ने दुई जना पक्राउ

अनलाइन नेपाल

सोमवार , चैत्र ९, २०८२

काठमाडौं । काठमाडौंको कालोपुलबाट सुनका गरगहना, चाँदी र नगद चोरी गर्ने २ जना पक्राउ परेका छन् ।

पक्राउ पर्नेहरुमा बूढानिलकण्ठ नगरपालिका–२ का २३ वर्षीय उपेन्द्र खत्री र कैलालीको गौरीगंगा नगरपालिका–२ का २६ वर्षीय निरज सापकोटा रहेका छन् ।

यही ६ चैत गते काठमाडौंको कालोपुलस्थित एक घरबाट उनीहरुले २६ तोला ८ आना, ३३ हजार मूल्यका चाँदीका गरगहना र नगद चोरी गरेका थिए।

चोरी भएको उजुरीका आधारमा उनीहरुलाई आइतबार जिल्ला प्रहरी परिसर काठमाडौंको टोलीले पक्राउ गरेको हो ।

प्रहरीका अनुसार उनीहरुको साथबाट चोरीका सुनचाँदीका गरगहना र नगद २ लाख ४९ हजार रुपैयाँ बरामद भएको छ ।

साथै चोरी गर्न जाँदा प्रयोग भएका खुकुरी, रड, तरबार, होण्डा स्कुटर पनि बरामद भएको छ ।

पक्राउ परेका खत्री र सापकोटामाथि कारर्बाही तथा थप अनुसन्धान भइरहेको छ ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

प्रहरीमा गाईजात्रा : सरुवा एउटाको, काज अर्कैको