Jul 23 2026 | २०८३, श्रावण ७ गते
23 Jul 2026 | बिहिवार, श्रावण ७ गते २०८३
बिहिवार, श्रावण ७ गते २०८३
Jul 23 2026 | २०८३, श्रावण ७ गते
23 Jul 2026 | बिहिवार, श्रावण ७ गते २०८३
सोमवार , बैशाख १४, २०८३
काठमाडौं । सरकारले त्रिवि क्रिकेट मैदान र नेपाल क्रिकेट संघ (क्यान) बीच पुनः भाडा सम्झौता हुने स्पष्ट पारेको छ ।
प्रधानमन्त्री तथा मन्त्रिपरिषद्को निर्णय सुनाउने क्रममा सञ्चारकर्मीले सोधेको प्रश्नको जवाफ दिंदै सरकारका प्रवक्ता समेत रहेका शिक्षा मन्त्री सस्मित पोखरेलले आजमात्रै त्रिविका उपकूलपतिसहितका उच्च पदाधिकारीसँग छलफल भएको र भाडा सम्झौता छिटै हुने बताएका हुन् ।
आज बिहान त्रिवि उपकुलपतिसहितको बैठकमा सकारात्मक कुरा भएको बताउँदै उनले भने–‘खाली गराउने हैन । भाडा सम्झौता रिन्यू गर्ने हो । राज्यका यत्रो लगानी भएको छ । राज्यकै संरचना हो । लिज पुनः एग्रिमेन्ट चाहिँ गराउनुपर्नेछ ।’
सरकारले थालेको अतिक्रमित जग्गा फिर्ता ल्याउने अभियानअन्तर्गत त्रिविले गत ४ वैशाखमै सार्वजनिक सूचना जारी गर्दै सम्बन्धित निकायलाई जग्गा खाली गर्न निर्देशन दिएको हो ।
सरकारको अर्बौं लगानीपछि त्रिविले भन्यो–३५ दिनभित्र क्रिकेट रंगशाला खाली गर्नू
त्यही निर्णयअनुसार त्रिविको रजिस्ट्रार कार्यालयअन्तर्गत सामान्य प्रशासन महाशाखाले नेपाल क्रिकेट संघ (क्यान)लाई समेत पत्राचार गरेको छ । त्रिवि र क्यानबीचको करार सम्झौता यही वैशाख मसान्तमा सकिँदैछ ।
सुशीला कार्की नेतृत्वको सरकारले त्रिवि क्रिकेट मैदानलाई अन्तर्राष्ट्रि स्तरको बनाउने भन्दै १० अर्बको गुरु योजना पारित गरेको थियो । जस अनुरुप पहिलो चराण काम सम्पन्न भइसकेको छ । यत्रो लगानी भइसकेको अवस्थामा त्रिभुवन विश्व विद्यालयले ३५ दिन भित्र मैदान खाली गर्न पत्राचार गरेपछि अन्यौलता बढेको थियो ।
यद्यपी त्रिभुवन विश्व विद्यालय अझै पनि सम्झौता रिन्यू गर्ने पक्षमा नरहेको बताइएको छ ।
© 2026 All right reserved to onlinenepal.com
Design & Developed By
