Jul 17 2026 | २०८३, श्रावण १ गते
17 Jul 2026 | शुक्रवार, श्रावण १ गते २०८३
शुक्रवार, श्रावण १ गते २०८३
Jul 17 2026 | २०८३, श्रावण १ गते
17 Jul 2026 | शुक्रवार, श्रावण १ गते २०८३
बिहिवार , आषाढ ३२, २०८३
काठमाडौं । स्वास्थ्य तथा खाद्य स्वच्छता मन्त्रालयले स्वीकृत बिदा नलिई ६० दिनभन्दा बढी समयदेखि कार्यालयमा अनुपस्थित रहेका २३ जना स्वास्थ्य सेवाका कर्मचारीसँग स्पष्टीकरण माग गरेको छ।
मन्त्रालयले बिहीबार सार्वजनिक सूचना जारी गर्दै नेपाल स्वास्थ्य सेवा ऐन, २०५३ को दफा ७४ उपदफा (१) को खण्ड ९ज० अनुसार ती कर्मचारीलाई सेवाबाट किन नहटाउने भन्ने विषयमा १५ दिनभित्र लिखित स्पष्टीकरण पेस गर्न निर्देशन दिएको हो।
सूचनामा चित्तबुझ्दो कारणसहितको सफाइ पेस गर्न नसके ऐनको दफा ७२ को खण्ड (ख) उपखण्ड (१) बमोजिम भविष्यमा स्वास्थ्य सेवामा अयोग्य नठहरिने गरी सेवाबाट हटाउने विभागीय कारबाही गरिने चेतावनी दिइएको छ।
कारबाहीको दायरामा वीर अस्पताल, राष्ट्रिय क्षयरोग नियन्त्रण केन्द्र, भक्तपुर, शुक्रराज ट्रपिकल तथा सरुवा रोग अस्पताल, टेकु, कान्ति बाल अस्पताल, महाराजगञ्ज तथा आयुर्वेद चिकित्सालय, नरदेवी मा कार्यरत कर्मचारी परेका छन्।
स्पष्टीकरण माग गरिएकामध्ये नवौँ तहका रेडियोलोजिस्ट डा. अमित रौनियार र पेडियाट्रिक सर्जन डा. मृदुल प्रसाद जोशी समेत छन्। यसबाहेक विभिन्न तहका मेडिकल अधिकृत, नर्सिङ अधिकृत, अस्पताल नर्सिङ निरीक्षक, मेडिकल ल्याब टेक्नोलोजिस्ट तथा स्टाफ नर्सहरू पनि सूचीमा रहेका छन्।
मन्त्रालयले सूचना प्रकाशित भएको मितिले १५ दिनभित्र आधिकारिक सफाइ पेस गर्न सम्बन्धित कर्मचारीलाई निर्देशन दिएको छ। तोकिएको अवधिमा स्पष्टीकरण नआए प्रचलित कानुनअनुसार विभागीय कारबाही अघि बढाइने मन्त्रालयले स्पष्ट गरेको छ।
© 2026 All right reserved to onlinenepal.com
Design & Developed By
