काठमाडौं । आइतबार प्रधानमन्त्री केपी शर्मा ओलीले संसद विघटन गरेसँगै प्रमुख प्रतिपक्षी दल नेपाली कांग्रेस सर्वदलीय बैठक डाकेको छ।

दिउँसो ४ बजेका लागि काँग्रेस केन्द्रीय कार्यालय सानेपामा बस्ने गरी डाकेको बैठकमा संसदमा रहेका विपक्षी दलसँग नेपाल कम्युनिस्ट पार्टी (नेकपा) का असन्तुष्ट पक्ष, जसपा र राप्रपाको पनि सहभागिता रहने बताइएको छ।

आइतवार साँझ सिंहदरबारस्थित कांग्रेस संसदीय दलको कार्यालयमा संयुक्त बैठक बसी नेपाल कम्युनिष्ट पार्टी, नेपाली कांग्रेस र जनता समाजवादी पार्टीले सरकारको पछिल्लो कदमको विरोध गर्ने निर्णय गरका थिए।

बैठकमा नेकपाका वरिष्ठ नेताद्वय झलनाथ खनाल, माधवकुमार नेपाल, प्रवक्ता नारायणकाजी श्रेष्ठ, नेताहरु देवप्रसाद गुरुङ र जनार्दन शर्मा सहभागी थिए।

त्यसैगरी कांग्रेसका तर्फबाट वरिष्ठ नेता रामचन्द्र पौडेल, नेताहरु बालकृष्ण खाण, डा मिनेन्द्र रिजाल र रमेश लेखक सहभागी थिए भने जसपाका नेताहरु डा बाबुराम भट्टराई र राजेन्द्र महतो उपस्थित थिए।