काठमाडौं । तीनदिने भारत भ्रमणमा रहेका परराष्ट्रमन्त्री प्रदीपकुमार ज्ञवाली भारतीय प्रधानमन्त्री नरेन्द्र मोदी नभेटी फर्कने भएका छन् ।

प्रधानमन्त्री मोदीले समय नदिएपछि मन्त्री ज्ञवाली स्वदेश फर्कन लागेका छन् ।

ज्ञवाली शनिबार स्वदेश फर्कनुअघिसम्म भेटको समय मिलाउन प्रयास गरिएपनि मोदीले समय नदिएपछि उनी भेट नगरीकनै फर्कन लागेका हुन् ।

दिल्लीस्थित नेपाली दूतावासले मोदीसँगको भेटका लागि ज्ञवाली भारात आउनु अघिदेखि नै प्रयास गरेको थियो । तर, नेपाली दूतवासको प्रयास असफल भएको छ । मोदीसँग ज्ञवालीको भेट गराउन असफल भएका भारतका लागि नेपाली राजदूत निलाम्बर आचार्य अक्क न बक्क् परेको स्रोतको दावी छ ।

मन्त्री ज्ञवाली नेपाल वायु सेवा निगमको अपरान्ह दुई बजेको उडानबाट स्वदेश फर्कँदै छन् ।

मोदीले भेटका लागि समय नदिनुलाई नेपालको पछिल्लो राजनीतिक परिस्थितिसँग पनि जोडेर हेरिएको छ ।