रामनारायण यादव/ जनकपुरधाम । महोत्तरी जिल्ला अदालतबाट भागेका थुनुवा पक्राउ परेका छन् ।

म्याद थपका लागि जिल्ला अदालतमा लगिएकोमा अदालत परिसरबाट ती थुनुवा आजै दिउँसो भागेका थिए ।

लागुऔषधका आरोपी गौशाला नगरपालिका वडा नम्वर ४ का २५ वर्षीय कमलेश साहलाई प्रहरीले पुन पक्राउ गर्न सफल भएको छ ।

इलाका प्रहरी कार्यालय गौशालाका अनुसार साहलाई महोत्तरीको प्रकौली भन्ने ठाउँबाट पक्राउ गरिएको हो ।

म्याद थपका लागि जिल्ला अदालत लगिएकोमा साहले शौचालय जाने बहानामा शौचालयको पर्खाल नाघेर भागेको थियो ।

उनी गत शुक्रबार मात्रै औरही नगरपालिका वडा नम्वर ४ स्थित कठुधारचौकमा भारतबाट ल्याएको भारी मात्रामा लागु औषधसहित पक्राउ परेका थिए ।

उनीलाई खोजन व्यपाक रुपमा प्रहरी परिचान गरिएको महोत्तरीका प्रहरी प्रवक्ता प्रकाश विष्टले बताए ।