काठमाडौँ । कतारी राजकुमारी शेखा आस्मा अल थानीले विश्वको आठौँ अग्लो मनास्लु हिमालको शिखर चुमेकी छिन् ।

सोमबार बिहान साँढे १० बजे राजकुमारी शेखाले ८,१६३ मिटर अग्लो गोरखाको मनास्लुको सफल आरोहण गरेको इलाइट हिमालय एड्भेञ्चरले जानकारी दिएको छ। इलाइट हिमालय एड्भेञ्चरमार्फत् शेखाले आरोहण गरेकी हुन् ।

कम्पनीका अनुसार उनीसँगै विभिन्न देशका पाँचजना आरोहीले पनि सफल आरोहण गरेका छन् ।

उनीहरुलाई कीर्तिमानी आरोही मिङ्मा डेविड शेर्पा, निर्मल पुर्जा र मिङ्मा तेञ्जिङ शेर्पाले गाइड गरेका थिए ।