पर्सा। सीमा प्रहरीले नवलपरासी पश्चिमको पाल्हीनन्दन गाउँपालिका–२ भक्सीपुरबाट अवैध रुपमा भारतबाट भन्सार छली नेपालतर्फ ल्याउँदै गरेको कपडा बरामद गरेको छ ।

सीमा प्रहरी चौकी महेशपुरबाट खटिएको प्रहरीलाई देख्नासाथ नम्बर नखुलेको मोटरसाइकलमा ल्याउँदै गरेको ३ लाख १६ हजार ७ सय ५० रुपैयाँ मूल्य बराबरको कपडाहरू बरामद गरिएको प्रहरीले जनाएको छ ।

यद्यपी प्रहरीले तस्करीमा संलग्न व्यक्तहरुलाई भने पक्राउ गर्न सकेन । मोटरसाइकलमा सवार तस्करीमा संलग्न व्यक्तिहरु कपडाहरू सोही स्थानमा छोडेर फरार भएपछि प्रहरीले कपडामात्र हिजो बरामद गरेको हो ।

बरामद भएका कपडामध्ये अधिकांश कुर्ता सुरुवाल रहेको प्रहरीले जनाएको छ । बरामद सामान भन्सार कार्यालाय महेशपुरमा बुझाइएको प्रहरीले जनाएको छ ।