काठमाडौं । भारतमा कोरोना भाइरसको नयाँ भेरियन्ट ओमिक्रोनबाट २१ जना संक्रमित भएका छन्। तीव्ररुपमा संक्रमण फैलिएपछि थप चिन्ता बढेको भारतीय अधिकारीले जानकारी दिएका छन्।

पछिल्लो समय राजस्थानमा ९ जनामा ओमिक्रोन संक्रमण पुष्टि भएको छ। आजमात्रै मुम्बईमा एकै परिवारक ६ जनासहित ७ जनामा संक्रमण देखा परेको थियो। भारतीय अधिकारीहरुका अनुसार महाराष्ट्रमा मात्र अहिलेसम्म ८ जनामा ओमिक्रोन संक्रमण पुष्टि भएको छ।

यसअघि कर्नाटकमा दुई जनामा, गुजरातमा १ जनामा र नयाँ दिल्लीमा १ जनामा संक्रमण पुष्टि भएको थियो। भारतमा अहिलेसम्म २१ जनामा ओमिक्रोन संक्रमण देखिएको छ।