काठमाडौं । महान्यायाधिवक्ता कार्यालयका सहन्यायधिवक्ता सञ्जीवराज रेग्मी सर्वाेत्कृष्ट वर्ष सरकारी वकिल घोषित भएका छन् ।

बिहीबार महान्यायाधिवक्ता कार्यालयको ७१औँ स्थापना दिवसको अवसरमा वकिल रेग्मीलाई सर्वाेत्कृष्ट वर्ष सरकारी वकिल घोषित गरिएको हो।

वर्ष वकिल भएपछि उनले प्रभावकारी रूपमा संवैधानिक र कानुनी जिम्मेवारी वहनमा कुनै कमी आउन नदिने बताएका छन् ।

सोही कार्यक्रममा पूर्वमहान्यायाधिवक्ता र पूर्वनायव महान्यायाधिवक्ताहरूलाई सम्मान समेत गरिएको थियो।

यसैगरी १० जना सरकारी वकिल र कानुन संकाय लिएर अध्ययनरत विद्यार्थीहरू पुरस्कृत भएका छन् ।