कैलाली । सीमा नाकामा कडाइ गर्न कैलालीका सिडीओलाई ध्यानाकर्षण गराइएको छ।

‘म बाच्छु अनि बचाउँछु’ अभियानले कैलालीका प्रमुख जिल्ला अधिकारी किरण थापालाई ध्यानाकर्षण गराएको हो ।

कोरानाका अन्य भेरियन्ट भन्दा ओमिक्रोन धेरै संक्रामक भएकाले यसको रोकथामकालागी पहल गर्न ध्यानाकर्षण गराएको अभियानका संयोजक सुरज खड्काले बताए ।

पछिल्लो केही दिन यता गौरीफण्टा नाका हुँदै फर्कन नेपालीमा संक्रमण देखिन थालेको छ । सुदूरपश्चिममा आज मात्रै १२० जनामा कोरोना संक्रमण देखिएको स्वास्थ्य निर्देशनालय डोटीले जनाएको छ ।