एजेन्सी । विश्वभर पछिल्लो २४ घण्टामा १९ लाख ३१ हजार १८४ जना कोरोना संक्रमित थपिएका छन्। योसँगै विश्वभर कुल संक्रमितको संख्या ३२ करोड ८६ लाख नाघेको छ।

पछिल्लो केही दिनदेखि अमेरिका र युरोपमा संक्रमण बढेसँगै दैनिकसंक्रमितको संख्यासमेत उच्च हुन थालेको हो।

पछिल्लो २४ घण्टामा अमेरिकामा २ लाख ८७ हजार, फ्रान्समा २ लाख ७८ हजार, इटलीमा १ लाख ४९ हजार, बेलायतमा ७० हजार संक्रमित थपिएका छन्।

सो अवधिमा करिब १० लाख संक्रमणमुक्त भएका छन् भने ३ हजार ९८३ जनाको मृत्यु भएको छ। पछिल्लो २४ घण्टामा भारतमा २ लाख ५७ हजारभन्दा बढी संक्रमित थपिएका छन्।